FILMSTING

Á Filmstinginum umrøða, tingast og kjakast vit um filmslist, mentan og vinnu  – okkara fakliga forum, har vit skapa sambond og samstarvsfelagar.
Á skránni í juni verða hesi:

 Jón Hammer, framleiðari
Jón Hammer úr Outlier Projects hevur samframleitt fleiri stórar filmsframleiðslur. Hann fer at greiða frá sínum royndum, vísa dømi og fortelja um tilgongdina, tá ið man samframleiðir.

  Sølvi Næs Hoydal,
Sølvi Næs Hoydal sum lesur BA í filmgerð á Listaháskóla Íslands, fer at geva innlit í lestrartíðini í Reykjavík og teimum møguleikum, ið útbúgvingin gevur.

 Rakul Ró Steintórsdóttir og Niels Johan Sigurðsson
Rakul Ró og Niels Johan úr UFO fara at greiða frá upplivingunum á North Atlantic Story Circle í Reykjavík. Harumframt fara tey at koma inn á luttøkuni á Stock Film Festival og teimum sonevndu  “industry-døgunum” har.

Filmstingið varpar ljós á allar tættir innan filmsframleiðslu. 
Vit tingast um alt millum himmal og jørð, sum hevur við film at gera.

Setið kross í kalendaran 18. juni kl. 19.30. Tiltakið er ókeypis, og vit bjóða kaffi og te.

HVAR: Í Perluni, Tórsgøta í Havn 
NÆR: Hóskvøldið 18. juni kl. 19.30-21.00

Fyriskiparar eru Filmshúsið og Klippfisk 
Øll eru hjartaliga vælkomin.